我本來係一名返朝九晚五 嘅白領打工仔。朝九晚五當然唔係放五，係日日返工冇收工嗰種。生活迫人，最難頂係成日都要entertain腦細，晚晚夜收工返到屋企仲要睇屋企人面色，過著根本係唔係人過嘅生活。 有段時間真係長期唔開心咗好耐。雖然身邊都有好多豬朋狗友陪我，得閒去下飯、飲下野，當係慰勞下自己，感覺又好似冇乜野。香港人指定動作，每年都起碼去一次旅行。記得好幾次去完旅行，坐回程機要返香港，臨起飛時都會好傷感，不其然喊咗出嚟 😭 。我先發覺，原來其實去旅行，只係逃避，根本治標唔治本。放完假，我真係幾唔想返去再過嗰種toxic life。 雖然係咁，但香港人吖嘛，梗係頂硬上啦。就係咁，我一直唔理身體發出 嘅警號，最後長期偏頭痛、膊頭痛、腸痛都走晒出嚟。最後俾個變態腦細玩，玩到我情緒崩潰，不停坐喺公司個位度喊。最後因為咁，我冇辦法再唔理自己。 😫 嗰陣我去睇咗好多醫生，之後做埋全身檢查，其實都搵唔到咩問題。最後有個醫生就直接開精神藥俾我。我覺得或者仲有其他方法，所以之後我讀咗好多療癒課程，又去學做冥想，開始知道原來要聆聽自己多啲。直至2018年，我遇上了